王鎮泉與太太雀仔定情拉埋天窗 譚俊彥話生仔冇秘笈：準時做就得

無綫娛樂新聞台主持王鎮泉，早前在社交平台宣布喜訊，向拍拖一年多的圈外女友Vanilla求婚成功。今日終於到大婚之日，在九龍灣舉行早、晚兩場婚宴，汪明荃、譚俊彥、陳煒、江美儀、李漫芬和林溥來一家人出席，袁偉豪（Ben）和黃智雯為兄弟團之一，下午的婚宴註冊儀式上，新郎、新娘應傳媒要求甜蜜錫錫。汪明荃傳授維繫婚姻心得，稱：「老婆永遠是對的。」而育有一仔一女夾到一個「好」字的譚俊彥表示不用傳授甚麼方法盡快添丁，笑言：「睇佢哋都好愛對方，準時做就得喇！」

同場加映：獎門人丨程浩駿當獎老成功減戾氣入屋 開展副業親自傾生意頻遇趣事

{{hket:ul-video id="7699"}}{{/hket:ul-video}}

{{hket:inline-image name="jeoffreywong_332841017_901850144465911_8214607588587214061_n.jpg"}}{{/hket:inline-image}}

{{hket:inline-image name="LAP00953.JPG"}}{{/hket:inline-image}}

{{hket:inline-image name="IMG_8800.JPG"}}{{/hket:inline-image}}

37歲王鎮泉分別穿上中式和西式結婚禮服，他表示跟太太拍拖一年半，早有共識視對方為終身伴侶，家人經常催促下，趁今年雙春兼潤月拉埋天窗。男女雙方因為各自飼養的愛犬過世而太傷心，隨後養雀而產生共同話題，他說︰「本身係認識但唔熟絡，傾得多雀仔經，講起養動物嘅心情，好似connect 咗，佢好善良，好感動到我，所以開始追求佢。」拍拖後，一起飼養了一隻鸚鵡叫皮皮，「皮皮係定情鸚鵡，加埋原本各自養的，共有七隻雀，求婚前我就整咗七隻鸚鵡公仔，入面掛戒指。」

{{hket:inline-image name="IMG_8801.JPG"}}{{/hket:inline-image}}

{{hket:inline-image name="LAP01907.JPG"}}{{/hket:inline-image}}

{{hket:inline-image name="LAP02255.JPG"}}{{/hket:inline-image}}

無綫主持王鎮泉宣布求婚成功 與圈外未婚妻結小鳥情緣【下一頁】

變身大挑戰｜利愛安被「改造」令主播心心眼 張寶兒：唔再係「東涌羅浩楷」【下一頁】

袁偉豪和黃智雯做婚禮兄弟團，王鎮泉特別感激前者，說：「Ben、張寶兒幫我準備求婚計劃，當時同佢哋喺新加坡做嘢，佢哋幫手策劃。Ben無條件幫我好多，婚禮上所有嘢為我緊張，照顧得好周全，而且毫無怨言。」袁偉豪出心出力幫手，自己嘴角爆唇瘡都顧不到。

{{hket:inline-image name="MAL04101.jpg"}}{{/hket:inline-image}}

{{hket:inline-image name="MAL04032.jpg"}}{{/hket:inline-image}}

{{hket:inline-image name="MAL04113.jpg"}}{{/hket:inline-image}}

賓客之一的汪明荃，與羅家英結婚多年，十分恩愛，今日汪明荃穿得紅噹噹到場，大讚王鎮泉是乖仔，教導他維繫婚姻的心得是「老婆永遠是對的」。至於是否她在家的一套夫妻之道？她笑言：「大家感受唔同囉！」同時表示家英哥乖巧，甚少駁嘴。

譚俊彥讚王鎮泉平時待太太很細心，「上次佢嚟我餐廳食飯，食完嘢都買外賣畀太太，從咁小事就知佢錫太太。」表示二人很勤力工作，相信現代的新婚夫婦各有一份工作，很快就可以買樓，生小孩組織大家庭，笑稱不用傳授生仔女心得，「生仔冇秘笈，大家夠愛對方就得，睇佢哋都好愛對方，準時做就得喇！」

另外，朱晨麗尷尬表示每次出席婚禮都會被催婚，自言一直在工作上拼搏，守秘密不肯公布另一半是誰，「順其自然，自己事業再好啲先，等上天安排畀我。」

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】 

採訪：梁紹明